ساڵیادی مەرگەساتی هەڵەبجە لە بەرلین ١٦/٣/٢٠١٦

Halabja 2016کوردی بەرلین ئەمساڵیش وەك گشت ساڵێک یادی مەرگەساتی هەڵەبجە و قوربانیانی بەرز و پیرۆز ڕادەگرن. ئەمساڵیش لە براندنبورگەتۆر / پاریسە پلاتس ئەو یادە بەڕێوە دەچێت و فۆتۆکانی زەردەشت عوسمانی فۆتۆگرافەریش (ژیان لەگەڵ   بۆمبەکان) نمایش دەکرێتەوە. ئامادەبونتان نیشانەی وەفا و خۆشەویستیتانە بۆ کوردستان و قوربانیانی. ڕۆژی چوارشەممە ١٦/٣/٢٠١٦ لە

Pariser Platz, 10117 Berlin

in Memory of Halabja 16.03.2016

ساڵیادی مەرگەساتی هەڵەبجە لە بەرلین ١٦/٣/٢٠١٥

Halabje 2015کوردی بەرلین ئەمساڵیش وەك گشت ساڵێک یادی مەرگەساتی هەڵەبجە و قوربانیانی بەرز و پیرۆز ڕادەگرن. ئەمساڵ جیاواز لە ساڵانی پێشوو لە مەیدانی پاریسە پلاتس (براندن بورگە تۆر) دەبێت، لە هەمان کاتدا فۆتۆکانی (ژیان لەگەڵ بۆمبەکان) ی زەردەشت عوسمانی فۆتۆگرافەر نمایش دەکرێت. ئامادەبونتان نیشانەی وەفا و خۆشەویستیتانە بۆ کوردستان و قوربانیانی . دەمژمێر ١٦ تا ١٩

Pariser Platz, 10117 Berlin

یارمەتی بۆ قوربانیانی گازی ژەهراوی لە پەرلەمانی ئەڵمانی

  • bundestag
 لە ڕۆژی ٥شەممە بەرواری ١٤/٣/٢٠١٣ پەرلەمانی فیدراڵی ئەڵمانیا لە دەمژێر ١٩ گفتوگۆ دەربارەی داوایەکی یەکێتی دیموکراتی مەسیحی/ یەکێتی مەسیحی کۆمەڵایەتی و  پارتی دیموکراتی سەربەست دەربارەی (پشتگیری بۆ قوربانیانی هەلەبجە) هەروەها لەسەر داوای هاوبەشی پارتی سۆسیالدیموکراتی ئەڵمانی و پارتی سەوزەکان بە بۆنەی هێرشی کیمیاوی بۆ سەر کوردەکانی کورستانی عێراق پێش ٢٥ ساڵ و پاڵپشتی بۆ قوربانیەکانی. دەربارەی ئەم داواکاریانە و داوایەکی فراکسیۆنی چەپەکان بۆ (ناساندنی ئەنفال و ژەهراویکردنی هەڵەبجە لە ١٦/٣/١٩٨٨ بە گەل کوژی و یارمەتی مرۆیی بۆ قوربانیانی) ، ڕاستەوخۆ بڕیاری لەسەر دەدریت. نیو کاژێر تەرخان کراوە بۆ خویندنەوەی یەکەمی

Hilfe für Opfer des Giftgasangriffs:

درێژەی بابەت...

یادی 25 ساڵه‌ی مه‌رگه‌ساتی هه‌ڵه‌بجه‌ له‌ به‌رلین به‌رز و پیرۆز ڕاگیرا

مه‌راسیمی هه‌ڵه‌بجه‌ له‌ کۆتای نوسینه‌که‌ به‌ وێنه‌ ببینه‌

  • halabje-2013
 به‌ ئاماده‌بونی زۆرێك له‌ کورده‌کانی به‌رلین و شاندێكی په‌رله‌مانی کوردستان و چه‌ند ئه‌ندامێکی نوسه‌رانی کورد  که‌ به‌ سه‌ردان له‌ به‌رلین بوون له‌گه‌ڵ چه‌ند دۆستێکی کورد ئه‌م یاده‌ به‌رز و پیرۆز ڕاگیرا. له‌ سه‌نته‌رێکی دیار و ناسراوی به‌رلین (کودام / ئه‌ورپا سێنته‌ر) به‌ نیشاندانی وێنه‌ی قوربانیان و چۆنیه‌تی بۆمبارانکردنی ئه‌و شاره‌ و خوێندنه‌وه‌ی به‌یاننامه‌ی ئاماده‌کرا و به‌ زمانی ئه‌ڵمانی و دابه‌شکردنی ئه‌و به‌یاننامه‌یه‌ و پۆستکارتی ئه‌و مه‌رگه‌ساته‌ به‌سه‌ر میوان و ڕێبوارانی ئه‌و سه‌نته‌ره‌دا له‌ هه‌مانکاتیشدا لێدانی موزیکی گونجاو ئه‌تمۆسفێرێکی سه‌رنجڕاکێش له‌ لایه‌که‌وه‌ ئه‌و سه‌نته‌ره‌ی خامۆش ‌کرد بوو، له‌ لایه‌کی تریشه‌وه‌ بوبوه‌ جێێ یه‌کتر بینین و ئاڵ و گۆڕی بیروڕای جیاوازی دۆستانه‌ له‌ نێوان ئه‌وانه‌ی ماوه‌یه‌کی درێژه‌ یه‌کتریان نه‌ بینیبوو له‌ هه‌مانکاتیشدا له‌گه‌ڵ ئه‌و ڕێبوارانه‌ی که‌ شتێکی ئه‌وتۆیان ده‌رباره‌ی ئه‌و مه‌رگه‌ساته‌ و دڕنده‌ییه‌ی ڕژێمی پێشوو نه‌بیستبوو، هه‌ر بۆیه‌ ڕێبوارێك ووتی (وامان ده‌زانی مه‌رگه‌ساتی گه‌وره‌، ته‌نها له‌ ئه‌ڵمانیا و له‌ ڕێی نازییه‌کانه‌وه‌ ئه‌نجامدراوه‌!). پێش کۆتایهێنان به‌م مه‌راسیمه‌، 25 باڵۆن له‌ لایه‌ن منداڵه‌ چاوگه‌شه‌کانه‌وه‌ به‌ردرایه‌ ئاسمانی به‌رلین. پاش سوپاس و پێزانین بۆ ئاماده‌بوان کۆتایی پێهێنرا.

ئه‌وه‌ی ماوه‌ته‌وه‌ بوترێت، ئاماده‌کاری ئه‌م مه‌راسیمه‌ له‌ لایه‌ن کورده‌کانی به‌رلینه‌وه‌ بوه‌ و ئه‌و به‌ڕێزه‌ی ئه‌مساڵ ده‌رفه‌تی نه‌بوه‌، ئاساییه‌، به‌وهیوایه‌ی ساڵی ئاینده‌ ڕۆڵ ببینێت و ئه‌ركی سه‌رشانی جێبه‌جێبکات.. مه‌راسیمه‌که‌ به‌ وێنه‌ ببینه

درێژەی بابەت...